HAITZARTEA


   Zaldibiako lurretan dago eskalada eskola txiki hau. Ingurune paregabe batetan kokatua, Aralar Parke Naturalaren bihotzean. 
   Eskalada eskola bezala interes lokala izango luke, goiz edo arratsalde on bat pasatzeko aukera ederra ematen du. Hego aldera orientatua dago. 
   Hormara iristeko, Zaldibia herritik Olakosaileko (Akapulko) atseden lekura doan bidea hartuko dugu, errepidea aurrerantz segituz Deposituetara iritsiko gara. Kotxeentzako bidea bertan bukatzen da, parkin txiki bat dago. Ur-presara doan bidea hartuko dugu, jabego pribatua da. itxi langa mesedez. Presaren altueran putzu erraldoi hauetara ura ekartzen duen kanala hartuko dugu, eta hau segituz, 10 minututan, Haitzarten egongo gara.
   Bi sektore aurkituko ditugu hemen, eskalada aldetik oso desberdinak direnak. Historia pixka bat eginez: eskaladoreak aspalditik bisita izan dute inguru hau, pioneroen aztarnak aurkitu ditzazkegu haitzeetatik zehar, iltzeak, kordinoak, etb… Kirol eskaladarako lehen bultzada Erramunek eman zion goiko paretan hiru bide zabalduz. Bide hauek eguneratze bat behar izan dute eskalagarriak izateko. Hurrengo inpultsoa Iñigo Zeberioren eskutik etorri zen. Beheko paretan kirol eskaladarako lau bide zabaldu zituen eta goiko paretan beste bat. Iñigok zazpigarren gradua ezarri zuen inguruan. Ondoren Mikel Saez de Urabainek hartu zuen erreleboa eta bide berri gehiago zabaldu zituen.



Beheko pareta


Goiko pareta

Goiko pareta ezkerra

Goiko sektorea beheko partea








GAINTZOLA