JENTILBARATZA

 

   Ataungo herrian aurkitzen da pareta hau. Kokaleku ezin hobean dagoenez, bere gailurrean antzinako dorre baten aztarnak daude. Diotenez bertatik kontrolatzen zituzten soldaduek beraien lurrak. Kondairak dio bertan Jentilen gorputzak lurperatzen zituztela. Jentilbaratzako eskalada historia modernoa, 80. hamarkadan kokatu dezakegu. Goierriko gazte koadrila bat hasten da harkaitzetatik igotzen. Marraskillo, Pintxo, Karni, Luisi, Imanol, Jon eta abar, Dalton ezizenez ezagunak zirenak, ausardiarekin hasi ziren behetik marrak irekitzen. Hurrengo belaunaldia beste planteamendu batekin etorriko da. Manu, Rikar, Ramon, Papildo, Txesti, Mikel eta abar eskalada deportibaren ikuspegiaz goitik ekipatzen hasten dira. Orduan sortzen dira egungo biderik esanguratsuenak. Gaur egun, goierriko eskaladoreen lanari esker, eta, Gipuzkoako mendi federazioaren berrekipazioaren laguntzaz, puntako eskola bat izatea lortu dugu.